Mánudagur í miðvestrinu

Þá erum við orðin sex að nýju. H og B komnir heim, brúnir og sællegir eftir dvöl á Íslandi! Það var gott að fá þá aftur heim.

Hér er allt ósköp rólegt, Hari klárar skólann á fimmtudag, yngra settið er komið í frí frá sínum skóla og þeir eldri eru bara að njóta dagsins.

Það fer að líða að gestakomu. Hallgrímur afi mætir hér á föstudaginn og svo förum við Hari á móts við Baggalúts menn og konur á laugardeginum. Þetta verður spennandi frí, keyrum til Canada og tökum rúnt um nokkur fylki í USA, endum svo í sveitasælunni hér á Bambagötu.

Bestu kveðjur og ég vona að andleysi frúarinnar fari nú að batna.